Кече Ватаныбыз символы

1991 елда бу көнне Татарстан Республикасы Югары Советы республиканың дәүләт символларының берсе булган заманча флагны раслады.

Флаг яшел, ак һәм кызыл төсләрдән тора. Аның яшел төсе яз һәм яңарыш билгесен аңлата. Ак төс — чисталыкны, ә кызыл — җитлеккәнлек, энергия, көч һәм тормыш символы.

Рәсми рәвештә бу көн республикада билгеләп үтелми, әмма Татарстан өчен дә, дөньяның барлык татарлары өчен дә ул — истәлекле тарихи мизгел.

Флагның авторы — Татарстан Республикасының халык рәссамы, Габдулла Тукай исемендәге Дәүләт премиясе лауреаты Тавил Хаҗиәхмәтов.

Бүген районыбыз мәктәпләрендә иртәнге линейкалар әлеге уңайдан тантаналы төстә үтә, сыйныф сәгатьләре кече Ватан темасына багышлап уздырыла.