Зәйдә җәяүлеләр юлында балигъ булмаган баланы бәрдергәннәр

Бүген Зәйнең Җиңү проспектында «Яшьлек» боз сарае каршында балигъ булмаган кызны машина бәрдергән. Бу көндезге сәгать 10нар тирәсендә җәяүлеләр кичүендә булган.

83 яшьлек машина йөртүче сүзләренә караганда, ул җәяүлеләр кичүеннән чыгып баручы кызны алда туктап торган машина аркасында күрмәгән.
Юл-транспорт һәлакәте урынына юл куркынычсызлыгын тәэмин итү комиссиясе рәисе, район башкарма комитеты җитәкчесе Эмиль Галеев, аның инфраструктураны үстерү буенча урынбасары Ренат Хаҗипов һәм социаль мәсьәләләр буенча урынбасары Регина Камалова килде.

Кызны тирәнрәк медицина тикшерүе узу өчен Чаллының ашыгыч медицина ярдәме күрсәтү дәваханәсенә җибәргәннәр.