Кечкенә чаңгычылар юл йөрү кагыйдәләрен искә төшерделәр

«Юл куркынычсызлыгы» фонды район бүлеге башлыгы Вадим Иванов балаларның юл-транспорт травматизмын кисәтү һәм профилактикалау буенча чыгыш ясады. Балаларга юлларда, җәяүле кичүендә һәм җәмәгать транспортларында дөрес тоту кагыйдәләрен аңлатып үтте. Җәяүле кичүеннән чыкканда колакчыннар киеп, музыка тыңлап түгел, ә уңга-сулга карап, бик игътибар белән чыгарга кирәклеген тагын бер кат искәртте. 

Балалар шулай итеп, юл йөрү кагыйдәләрен үзләштерде һәм булган белемнәрен ныгытты. Аларны киләчәктә куркынычсыз һәм хәвезсез юллар көтсен.