Яшь буын кагыйдәләрне белеп үсә

— Балалар елдан-ел әлеге конкурсларда чарланып, үзләренең юл кагыйдәләрен төгәл белүләрен ныгыта баралар. Беренче елларда катнашучылар да санаулы гына булса, хәзер һәр мәктәптән диярлек бу юнәлештә аерылып торучылар бар. Бу исә яшь, үсеп килүче буын арасында юл кагыйдәләрен яхшы белүчеләрнең күп булуы, аларның юлларда руль артына әзерлекле чыгачаклары турында сөйли, димәк, юлларыбыз да имин булачак, — ди «Юл куркынычсызлыгы фонды» район бүлеге башлыгы Вадим Иванов.

Ә бәйге нәтиҗәләренә килгәндә, юл хәрәкәте кагыйдәләрен иң яхшы белүче А. Сәмигуллин булды (6нчы мәктәп). Икенчедә Л. Мөхәммәтдинова (3нче мәктәп), өченчедә Д. Галиева (татар гимназиясе). Беренче медицина ярдәме күрсәтүдә А. Белышев (7нче мәктәп) — беренче, А. Комендантов (6нчы мәктәп), А. Сабаева, Д. Усманова, Д. Горбунова (Сәвәләй мәктәбе) — икенче, А. Әюпова, Л. Мөхәммәтдинова (3нче мәктәп) — өченче урында.