Зәйдән Нурия апа солдатларга эчке киемнәр тегә

Хәрбиләргә, госпитальләргә булышлыкны кем көченнән нинди эш килә, шул рәвешле хәстәрли. Мәсәлән, Сармашбаш авылыннан Нурия апа Сафина гуманитар ярдәмгә өлгертим дип, соңгы көннәрдә солдатлар өчен эчке киемнәр тегү белән мәшгуль. Инде 70 данә теккән, аларны яхшылап төреп, коробкаларга тутыра бара.

«Кулдан килгәнчә ярдәм итәргә тырышам, ил — көннәребез тынычланып, егетләребез исән — сау әйләнеп кайтсыннар иде», — дигән теләктә Нурия апа.