Зәйнең үзәк китапханәсе сәламәтлек сәгате уздырды
Үзәк китапханә китапханәчеләре “Өмет” клубы әгъзалары һәм Бөтенроссия сукырлар җәмгыятенең җирле оешмасы әгъзалары өчен “Сәламәт яшәү рәвеше - озын гомерлелеккә юл” дип аталган сәламәтлек сәгате үткәрделәр.
Сәламәтлек - табигать тарафыннан кешегә бирелә торган кыйммәтле бүләк. Бу кешенең иң югары иминлеге. Аннан башка тормышыбызны кызыклы һәм бәхетле итү мөмкин түгел. Очрашуда катнашучыларга сәламәт яшәү рәвешенең мөһимлеге һәм әһәмияте турында сөйләделәр, дөрес туклану, физик активлык, стресс белән идарә итү темаларына тукталдылар һәм сәламәтлек турында китаплар һәм журналлар күрсәттеләр. Шулай ук кызыклы уеннар, эстафеталар, бәйгеләр уздырылды.
-Чара ахырында барысы да бергәләп зарядка ясадылар. Очрашу бер-берсенә сәламәтлек теләү белән тәмамланды, - ди китапханәче Галина Лаврентьева.
Фотолар үзәк китапханәдән
Следите за самым важным и интересным в Telegram-каналеТатмедиа
Нет комментариев