Зәйнең «Тату гаилә» бакчасында тәрбияләнүчеләр макулатура җыйды

31 октябрьдә "Тату гаилә" балалар бакчасында “Кәгазьгә – икенче тормыш" экологик акциясе узды, аның кысаларында 230 килограмм макулатура җыелды. Хәзер иске кәгазь һәм картон эшкәртүгә китеп, яңа тормышка шанс алачак. Акциянең нәтиҗәсе планетабызны саклауга реаль өлеш кертү булды. Балалар бакчасы мөдире Мария Петрякова билгеләп үткәнчә, мондый инициативалар – үсеп килүче буын өчен табигатькә сакчыл мөнәсәбәтнең гамәли дәресе. 

– Бу акция – табигатьне саклауга үз өлешеңне кертү өчен менә дигән мөмкинлек, чөнки макулатура җыю - табигать турында кайгырту ул. Ул агачларны сакларга, әйләнә – тирә мохитне пычратуны киметергә һәм кыйммәтле ресурсларны экономияләргә мөмкинлек бирә, - дип сөйләде мөдир.

фотолар балалар бакчасыннан