Зәйнең ”Радость» үзәгендә Донбасс балаларын искә алдылар

«Радость» халыкка социаль хезмәт күрсәтү комплекслы үзәгендә әлеге истәлекле датага багышланган чара — «Тавышсызлар тавышы: Донбасста сугыш вакытында зыян күргән балалар турында хәтер» сәгате узды.

Үзәк белгечләре балигъ булмаган социаль хезмәт алучыларга әлеге матәм көненең тарихы һәм аның тирән әхлакый әһәмияте турында сөйләделәр. Балалар балачагы сугыш хәрәкәтләре белән караңгыланган яшьтәшләренең язмышын белделәр һәм аларны бер минут тынлык белән искә алдылар.

Очрашуда тарихи хәтерне саклауга һәм эмпатиянең мөһимлегенә аерым игътибар бирелде. Һәр бала бу көнгә катнашын тоя алсын өчен, алар өчен кәгазь «Ак торна» ясау буенча мастер-класс уздырдылар. Бу кош күптән инде тынычлык, өмет һәм якты хәтер символына әверелде. Үз куллары белән сыннар ясаганда, балалар иҗади сәләтләрен күрсәтеп кенә калмадылар, тынычлыкның никадәр кыйммәтле булуын аңлап, күңелләренең бер өлешен аларга салдылар.

Фотолар “Радость” үзәгеннән.