Зәйнең «Радость» үзәгенә йөрүчеләр «Мөмкинлекләр дөньясы» спорт фестивалендә актив катнашты

Бигрәк тә «Радость» халыкка социаль хезмәт күрсәтү комплекслы үзәгенең көндезге тору бүлекчәләре фестивальдә актив катнашучылар булды, алар зур энтузиазм белән спорт сынауларын үттеләр. Алар канат тартышу, армрестлинг, дартс, спорт йөреше һәм ГТО нормаларын тапшыру кебек ярышларда үз сәләтләрен күрсәтә алдылар.

Армрестлинг ярышлары аеруча киеренке һәм мавыктыргыч булды. Ир-атлар арасында җиңүгә ихтыяр көчен күрсәткән Захаров Никита көмеш призер булды. Хатын-кызлар арасында мактау пьедесталында көрәш башланды: беернче урынны лаеклы рәвештә Шәйдуллина Динара яулады, икенче урында - Баранова Анна, өченчедә - Вәлиева Римма.

Дартс буенча ярышларда шулай ук Никита Захаров көчле булуы белән аерылып торды, ул бу юлы ирләр арасында пьедесталның өченче баскычына күтәрелде.

Шулай ук  Динара  Шәйдуллина спорт йөреше буенча ярышларда өченче урын яулады.

Җиңүчеләрне Зәй муниципаль районы Башкарма комитеты җитәкчесенең социаль мәсьәләләр буенча урынбасары Регина Камалова, физик культура, спорт һәм туризм идарәсе җитәкчесе Илзирә Тимеркәева һәм «Бердәм Россия» партиясенең җирле бүлекчәсе башкарма секретаре Петр Тимаськов бүләкләделәр.

Оештыручылар ассызыклаганча, «Мөмкинлекләр дөньясы» фестивале - бу аралашу, тәҗрибә уртаклашу һәм, әлбәттә, үз-үзеңне тормышка ашыру өчен уникаль мәйданчык. Катнашучыларның күбесе өчен мондый очрашулар үзләренең эчке потенциалын ачу, үз көчләренә ышаныч һәм тугры дуслар табу мөмкинлеге булып тора.

Бәйрәм барлык катнашучыларга да күтәренке рух һәм позитив бүләк итте, җәмгыятькә инклюзиянең мөһимлеген һәм сәламәтлеге нинди булуга карамастан, һәр кеше өчен тигез мөмкинлекләр булуын тагын бер кат искәртте.

Фотолар социаль үзәктән.