Зәйнең Мирный бистәсендә тыл хезмәтчәннәрен тәбрикләделәр
Җиңү көне якынайган көннәрдә тыл хезмәтчәннәрен тәбрикләү матур гадәте яши.
24 апрельдә Мирный бистәсе мәдәният йорты хезмәткәрләре Бөек Ватан сугышы тыл хезмәтчәннәре Тәскирә Рәхимкулова, Наҗия Сәгыйрова, Анна Антонова, Надежда Галәветдинованы Бөек Җиңүнең 78 еллыгы белән котладылар. Аларга Татарстан Рәисе Рөстәм Миңнеханов, район башлыгы Разиф Кәримов исеменнән бүләкләр тапшырдылар. Аларның сугыш елларында бәяләп бетергесез хезмәтләре өчен рәхмәт сүзләре җиткерделәр, сәламәтлек, тыныч картлык һәм җан тынычлыгы теләделәр.
-Йортларына барып хәлен белешү - сугыш афәтен кичергән өлкән буын кешеләре алдында безнең бурычыбыз, - ди мәдәният хезмәткәре Әминә Зарипова.
Фотолар Мирный бистәсе мәдәният йортыннан
Следите за самым важным и интересным в Telegram-каналеТатмедиа
Нет комментариев