Зәйнең Мирный бистәсендә Бердәм фольклор көнен билгеләп үттеләр

Чара Бердәм фольклор көне уңаеннан үткәрелде.

«Бердәм фольклор көне Россия халыкларының фольклор мирасын саклауга һәм популярлаштыруга, халык иҗатын өйрәнүне дәвам итәргә ярдәм итә. Максатыбыз — балаларны һәм яшьләрне халык мәдәнияте, аның кыйммәтләре, фольклор традицияләре белән таныштыру», — ди мәдәният хезмәткәрләре.

Алып баручылар ата-бабаларыбыздан калган гореф-гадәтләр, бәйрәмнәр һәм уеннар турында сөйләде. Чарада катнашучылар «Шатер», «Таганнар», «Алтын капкалар» һәм башка уеннарда рәхәтләнеп уйнадылар, әйлән-бәйлән әйләнделәр, халык җырларын һәм такмаклар җырладылар.

Фотолар мәдәният йортыннан.