Зәйнең клиентлар хезмәте белгече республика бәйгесендә өченче урын алды

Чемпионатның төп максатлары – өлкән буын гражданнар арасында заманча технологияләрдән файдалану омтылышын арттыру  һәм җәмгыять тормышында аларның катнашуын  киңәйтү, өлкән буын гражданнарының һәм яшь буын вәкилләренең көндәлек тормышында заманча компьютер технологияләрен үзләштерүне һәм куллануны популярлаштыру, гаилә мөнәсәбәтләрен, буыннар бәйләнешен һәм гаилә кыйммәтләрен ныгыту иде.

Финалда Татарстанның 45 районыннан 180 кеше катнашты, алар муниципаль сайлап алу этапларын узды. Ярышларда 60 яшьтән өлкәнрәк ир-атлар, 55 яшьтән өлкәнрәк хатын-кызлар һәм 14 яшьтән өлкәнрәк булмаган укучылар катнашты. 

Ярышлар өч төп юнәлеш буенча узды:

"Яндекс. Россия халыкларының бердәмлеге елы"(биредә катнашучылар ясалма интеллект белән эшләү буенча биремнәр башкардылар),  "Смартфонда эшләү. Хәрби һәм Хезмәт даны елы" (гаиләләр «Макс» мессенджерында ничек эшләүләрен күрсәттеләр),  "Мәгълүмати һәм финанс иминлеге" (монда катнашучылар дәүләт хезмәтләре өчен түләү һәм мәгълүматларны яклау буенча биремнәрне үтәделәр).   Зәй муниципаль районыннан анда 4 катнашучыдан торган команда катнашты. Нәтиҗәдә "Яндекс. Россия халыклары бердәмлеге елы” номинациясендә  3 урынны Социаль фондның Зәйдәге клиентлар хезмәтеннән  Лилия Әгъләмова яулады. Аңа диплом һәм бүләк сертификаты тапшырылды. Калган катнашучыларга истәлекле бүләк җыелмалары бирелде.

Чемпионатта катнашучылар буыннарның чын бәйләнешен күрсәттеләр, яшь заманча технологияләр өчен комачаулык түгел. Якташларыбыз белән горурланабыз!

фото клиентлар хезмәтеннән