Зәйнең яшьләр үзәге җитәкчесе Бөтенроссия грантлар конкурсында җиңү яулады

Казанда «Безнең Татарстан» форумы кысаларында «Росмолодежь. Грантлар: микрогрантлар» яшьләр проектлары конкурсы җиңүчеләрен бүләкләү тантанасы үтте. 

Җиңүчеләр арасында Зәйнең «Дуслык» яшьләр үзәге җитәкчесе Ирина Белан да бар. Аның «Йолдызлар астында кино» проекты 80 мең сумлык грант отты һәм ул 2025 елда гамәлгә ашырылачак. Шәһәр халкы ачык һавада фильмнар караудан ләззәт алачак, шулай ук бу эш берничә авыл җирлегендә дә оештырылачак. 

Ирина Николаевнаны җиңүе белән котлап, проектның уңышлы гамәлгә ашырылуын телибез. 

Фото яшьләр эшләре идарәсеннән.