Зәйнең яшь спортчылары янгын сүндерү бүлегенә экскурсиягә барды

 Инспекторлар янгын сүндерү часте буйлап  экскурсия үткәрде, яшь спортчылар диспетчер утыра торган бүлмәдә булып, аның шалтыратуларны ничек кабул итүе, аны тиешле хезмәтләргә ничек җиткерүе турында белделәр. Шулай ук ялган чакырулар турында да сөйләшү булды.

-Экскурсиягә килүчеләр янгын сүндерү техникасын белән таныштылар,  янгын сүндерүченең киемнәрен, капюшон тибындагы янгын сүндерү коткару чараларын киеп карадылар.

Район янгын күзәтчелеге бүлеге инспекторы Лилия Писарева  балалар белән көнкүрештә, урамда, мәктәптә янгын куркынычсызлыгы турында сөйләште. Яшь спортчылар бинадан эвакуацияләү кагыйдәләрен һәм беренчел янгын сүндерү чараларын ничек кулланырга икәнен белделәр.

Янгын сүндерүчеләр үз һөнәрләре турында сөйләделәр.

Фотолар район янгын күзәтчелеге бүлегеннән.