Зәйнең «Факел» клубында тәрбияләнүчеләр туристик эстафетада үзләрен сынады

Ярышлар барышында яшь зәйлеләр авырлыклардан курыкмауларын, тапкырлыкларын һәм бердәм командада эшли белүләрен гамәлдә исбатладылар. 

Оештыручылар ярышлар өчен техник яктан катлаулы биш этаптан торган авыр киртәләр полосасы әзерләгән иде. Дистанцияне уңышлы үтү өчен балаларга яхшы физик әзерлек кенә түгел, спорт туризмының төп белемнәрен белү дә кирәк булды.

Эстафета программасына түбәндәге сынаулар кергән иде: туристик төеннәрне тизлеккә һәм дөреслеккә бәйләү; һава аша күчү – җир өстеннән тартылган тросслар буенча араны үтү; "Күбәләк"не  – кисешкән баулар буенча үтү; тарзанкалар – тизлекле маятниклы төшү; параллель баулар – биеклектә балансны тоту.

Һәр этап балалардан максималь концентрация, җитезлек һәм югары координация таләп итте. Бөтен дистанция дәвамында катнашучылар бер-берсенә ярдәм итеп, авыр мизгелләрдә бер-берсен страховкалап, яхшы үзара ярдәм күрсәттеләр. 

Оештыручылар мондый чаралар үсмерләр арасында актив яшәү рәвешен һәм спорт туризмын популярлаштырып кына калмый, ә яшьләр мохитендә команда рухын һәм ышанычны да нәтиҗәле үстерә дип белдерә. Эстафетаның барлык катнашучылары да җиңүгә омтылыш күрсәттеләр һәм лаеклы нәтиҗәләр күрсәтеп,  финишка уңышлы килделәр.

Ярышлар нәтиҗәләре буенча зачет лидерлары билгеләнде. Иң тиз һәм төгәл балалар  Мактау грамоталары, шулай ук татлы призлар алдылар. Ярышлар "Факел"  тәрбияләнүчеләрендә бик күп якты эмоцияләр калдырды.

Фотолар яшьләр үзәгеннән.