Зәйнең “Энергетик” Мәдәният сарае патриотик рухтагы спектакль куйды
Кичә “Энергетик” Мәдәният сарае сәхнәсендә шәһәр мәктәпләре укучылары өчен «Сугыш хатын-кыз өчен түгел» документаль - публицистик спектакле күрсәтелде, аны “Энергетик” Мәдәният йорты режиссеры Евгений Каргин куйды.
Спектакль Нобель премиясе лауреаты Светлана Алексиевич әсәре буенча куелган. Бу әсәрнең нигезенә яшьлеге сугышта узган хатын-кызларның уникаль документаль хикәяләре ята. Хәрби заманның чынбарлыгына хатын-кыз карашы - ул акылга сыймаслык булып тоелган үтә күренмәле нечкәлекләр белән тулган гади кеше дөреслеге. Тормыш турындагы спектакльдә намус, туган илгә мәхәббәт, шәфкать кебек төшенчәләр урын алган. Әсәр патриотизм хисе тәрбияләү, үз иленең героик үткәненә хөрмәт белән карау өчен язылган.
Тамашачы Бөек Ватан сугышы тарихы буенча белемнәрен тирәнәйтә, сугышта катнашкан хатын-кызларның батырлыгын күрә, Ватанга мәхәббәт, үз халкының тарихына, мәдәниятенә хөрмәт хисе тәрбияли алды. Спектакль "Пушкин картасы" программасы кысаларында күрсәтелде.
Фотолар "Энергетик" Мәдәният сараеннан
Следите за самым важным и интересным в Telegram-каналеТатмедиа
Нет комментариев