Зәйнең балалар ял лагерында тәрбияләнүчеләр ГТО тапшырды

Анда икенче һәм дүртенче отрядларда тәрбияләнүчеләр катнашты, алар  тырышып нормативларны үтәделәр.

Чара дустанә һәм уңай атмосферада узды: балалар үзләренең көчләрен, җитезлекләрен һәм чыдамлыкларын күрсәттеләр, бер-берсенә ярдәм иттеләр. Мондый сынаулар физик әзерлекне генә тикшереп калмыйча, балаларны спорт белән шөгыльләнергә, сәламәт яшәү рәвеше алып барырга этәрә.

«ГТО-үзеңне, үз мөмкинлекләреңне сынап карау һәм яңа казанышларга омтылу өчен менә дигән мөмкинлек!"- дип тәэсирләре белән уртаклаштылар катнашучылар.

фотолар спорт идарәсеннән.