Зәйнең 5нче мәктәбе укучылары «Киләчәккә адым» Бөтенроссия конференциясендә уңышларга иреште

Зәйнең 5нче мәктәбенең IV сыйныф укучылары «Киләчәккә адым» дип исемләнгән Бөтенроссия фәнни-гамәли конференциясендә уңышлы чыгыш ясады.

Укучылар Арсений Денисов һәм Дмитрий Мокроусов  югары әзерлек дәрәҗәсен күрсәтеп, үз секцияләрендә икенче урынны яуладылар. Аларның тырыш хезмәте һәм фәнни кызыксынуы жюри тарафыннан югары бәяләнде.

Дарина Перованың чыгышы да  тиешле дәрәҗәдә иде, ул өченче урынны алды. Укучыларның җиңүе – аларның максатчанлыгын һәм тәкъдим ителгән теманы тирәнтен аңлавын күрсәтүче яхшы нәтиҗә.

“Укучыларның җиңүе - сыйныф җитәкчеләре  Гүзәл Хәлиуллинаның тырышлыгы һәм укучыларына ныклы белем бирүе нәтиҗәсе.  Аның укучыларны конференциягә әзерләүгә һәм аларны җиңүгә рухландыруга керткән өлеше бәяләп бетергесез”, - ди мәктәп директорының тәрбия эшләре буенча киңәшчесе Наилә Ентальцева.

Яшь тикшерүчеләрне һәм аларның остазларын лаеклы җиңүләре белән котлыйбыз! Укуларында алга таба да уңышлар һәм яңа фәнни ачышлар телибез!

Фотолар мәктәптән.