Зәйленең телефонын урлап, банк картасындагы акчасын алганнар

16 декабрьдә шәһәрдәге бер кибеттән билгесез кеше 5300 сумлык товар урлаган. 

«Тикшерү-оператив төркеме хезмәткәрләре оператив-эзләү чараларын уздыру барышында әлеге җинаятьтә Чаллы шәһәрендә яшәүче 36 яшьлек кешенең катнашы барлыгын ачыклады», — дип хәбәр итәләр полициядән. 

17 декабрьдә бүлеккә бер хатын-кыздан гариза керә. Ул билгесез кешенең иренең телефонын урлавын, ә телефонында банк картасы булуын, картадан 10 мең сум акча алуларын хәбәр итә. Әлеге җинаятьне кылуда гаепләнеп, 42 яшьлек Зәй кешесе тоткарланган.