Зәйлеләрне «Үлем белән кайда сату итүләрен хәбәр ит!» акциясендә катнашырга чакыралар

Законсыз наркотиклар әйләнеше белән шөгыльләнүчеләр, наркопритоннар турында белүчеләр булса, аларның Зәй полиция бүлегенә шалтыратулары сорала.

— Хәбәр бирүче турындагы мәгълүмат сер булып калачак. Ә менә бер шалтырату кемнеңдер гомерен саклап калырга, наркотиклардан бәйлелеккә китерүче гамәлдән чикләргә мөмкин. Шуңа да битараф калмыйча 7-02-02 телефонына шалтырату сорала, — ди район эчке эшләр бүлегенең оператив эшләр буенча бүлекчәсе башлыгы Эдуард Ефимов.