Зәйлеләр балаларына нинди исемнәр кушалар?

Статистика күрсәткәнчә, икенче балалары туган гаиләләр күпчелекне тәшкил итә. 30 бала  – гаиләдә беренче,   65е – икенче, 32есе – өченче, 26сы дүртенче һәм бишенче бала булып туганнар. Ике гаиләдә игезәкләр дөньяга килгән.

Соңгы вакытта әти-әниләр балаларына  Сәйдә, Абдрахман, Мирон, Аксинья, Варвара, Савелий кебек элекке исемнәрне куша башлаганнар. Сирәк исемнәр арасында Ансель, Алан, Алана, Ян, Тамерлан исемнәре очрый.

Агымдагы елның сигез аенда шәһәр-районда 133 пар законлы төстә никахларын теркәгән, 141 пар аерылышкан. Сигез айда 449 кеше бакыйлыкка күчкән.