Зәйле тәмле чәй әзерләргә киңәш итә

Шәһәрдәшебез Ләйлә Мостафина үзенең социаль челтәрендә нәкъ менә кура җиләге һәм карлыган яфракларыннан өйдә ясалган ферментланган чәй әзерләргә тәкъдим итә. 

“Кунакларны гадәти булмаган эчемлек белән гаҗәпләндерергә телисезме? Кура җиләге һәм карлыган яфракларыннан үзегезнең ферментланган чәйегезне әзерләп карагыз. Бу гади рецепт сезгә җиләк һәм үлән төнәтмәсенең табигый исе белән ләззәтләнергә мөмкинлек бирәчәк”,- ди ул.

⎯⎯⎯⎯⎯⎯⎯⎯⎯⎯

Нәрсәләр кирәк була:

* Кура җиләге һәм кара карлыганның яңа өзелгән яфраклары (нәкъ менә июньдә җыю яхшырак).

* Әзер эчемлекне кайнату өчен су.

* Суыткыч камера.

* Иттарткыч яки блендер.

* Капкачлы эмаль яки пластик савыт.

* Киптерү өчен таба.

⎯⎯⎯⎯⎯⎯⎯⎯⎯⎯

Җентекле рецепт:

1. Чимал әзерләү

 Җыелган яфракларны салкынча су белән яхшылап юыгыз һәм табигый юл белән киптерегез. Аларны кәгазь сөлгегә салып, процессны тизләтергә мөмкин.

* Кипкәннән соң яфраклар йомшарып, бераз корырлар. Бу икенче адым өчен идеаль момент.

2. Туңдыру һәм ваклау

 Әзерләнгән яфракларны суыткыч камерага якынча бер тәүлеккә салыгыз. Бу үсемлекләрнең күзәнәк структурасын җимерергә ярдәм итәчәк һәм алга таба эшкәртүне җиңеләйтәчәк.

* Туңдырылган хәлдә яфракларны ит тарткыч аша үткәрегез яки вак валчык хасил булганчы блендер белән  ваклагыз.

3. Ферментация процессы

 Вакланган массаны тыгыз тукыма тастымалга салыгыз яки чиста эмаль кәстрүлгә яисә  тыгыз капкачлы пластик контейнерга салыгыз.

 Массасы дымлы булсын өчен, контейнер капкачын яки тукыманы  аз гына су белән чылатыгыз.

* Савытны җылы урынга (мәсәлән, пыялалы верандага яки балконга) 2-3 көнгә куегыз. Дымлылыкны күзәтегез һәм вакыт-вакыт җилләтегез.

4. Соңгы киптерү

* 2-3 көннән ферментланган массаны алыгыз һәм аны юка катлам белән табага тигез итеп таратыгыз.

* Духовкада Цельсий буенча 75 градус температурада 2-3 сәгать киптерегез. Соңгы сәгатьтә дымны парга әйләндерү өчен духовка ишеген ачыгыз.

5. Саклау һәм куллану

* Суынган әзер чәйне герметик контейнерга яки пыяла банкага салыгыз да коры, караңгы урынга куегыз.

* Эчемлек әзерләү өчен бер чынаяк кайнар суга 1-2 аш кашыгы коры продукт салыгыз. Аны 5-7 минут төнәтегез, аннары сөзеп чәй ясагыз,  хуш исле эчемлек  белән ләззәтләнегез!

⎯⎯⎯⎯⎯⎯⎯⎯⎯⎯

Киңәшләр:

* Ферментация вакытында масса исен күзәтегез. Дөрес ферментланган чәй өлгергән җиләк һәм алма ноталары белән тәмле әче ис ала.

* Ферментация вакытын булачак эчемлекнең теләгән катылыгына һәм ныклыгына карап җайга салырга мөмкин.

* Уникаль тәмле букетлар булдыру өчен кура җиләге һәм карлыганның төрле сортларын кулланыгыз.