Зәйле мошенникларга 90 000 сум акчасын күчергән

1 февральдә район эчке эшләр бүлегенә Зәйдә яшәүче 51 яшьлек ир-аттан гариза кергән. Әлеге ир-атка билгесез кеше  шалтыратып, үзен банкның куркынычсызлык хезмәткәре дип таныштыра һәм аның банк картасында шикле операцияләр ясалуы турында хәбәр итә. Мошенник кушкан гамәлләрне кылып, ул 90 мең сум акчасын билгесез счетларга күчерә.

3 февральдә район эчке эшләр бүлегенә шундый ук хәлгә тарыган 60 яшьлек ир-ат мөрәҗәгать итә. Аңа шалтыратучы шулай ук үзен банк хезмәткәре дип таныштыра һәм сезнең карта буенча акчаларыгызны кире кайтару өчен 200 мең сумлык кредит алырга кирәк дип белдерә. Әлеге ир-ат сизгерлеге аркасында акчаларны күчерми һәм мошенниклар кармагына эләкмичә кала.