Зәйгә Татарстан хезмәт, халыкны эш белән тәэмин итү һәм социаль яклау министры урынбасары килде

Министр урынбасарының визитының максаты яңартылган инфраструктура һәм шәһәрнең социаль хезмәтләре эшендә яңа алымнар белән танышу, шулай ук хезмәт коллективлары белән очрашу үткәрү иде.

Визит капиталь ремонттан соң яңартылган халыкны эш белән тәэмин итү үзәге бинасы буйлап экскурсиядән башланды. Аның җитәкчесе Екатерина Андреева заманча бинада пространствоның ничек үзгәрүе һәм моның гражданнарга хезмәт күрсәтү сыйфатына ничек йогынты ясавы турында сөйләде.

Үзәк базасында оештырылган тематик клублар эшенә аерым игътибар бирелде. Кунаклар монда эшнең кайнап торуын үз күзләре белән күрделәр. Махсус хәрби операциядә катнашучылар өчен клубта психолог Гелена Цымбал психологик ярдәмгә һәм адаптациягә юнәлдерелгән мотивацион тренинг уздырды. Яшьләр клубы өлкән сыйныф укучыларына һәм студентларга киләчәкне сайларга ярдәм итүче «Һөнәрләр дизайны» эшлекле уенына җәлеп ителде.

Нейрография буенча мастер-класста иҗади атмосферада хөкем сөрде, аны «Хатын-кызларча уңыш» хатын-кызлар клубы вәкиле, махсус хәрби операциядә катнашучының әнисе үткәрде. Эшнең бу форматы психологик киеренкелекне киметергә һәм сәнгать аша эчке ресурсларны табарга мөмкинлек бирә.

Аннары Наталья Владимировна социаль яклау бүлеге, «Радость» халыкка социаль хезмәтләр күрсәтү  үзәге һәм мәшгульлек үзәге коллективлары белән очрашты. 

Чарада  шәһәр башлыгы урынбасары Сергей Максимов, социаль яклау бүлеге җитәкчесе Эльмира Хуҗина,  ГРЭС директоры Дмитрий Прохоров һәм башка мәртәбәле кунаклар катнашты.

Айгөл Яруллина фотолары.