Зәйдә Хәрби диңгез флоты көнен билгеләп үттеләр

Бәйрәм диңгез хезмәтен үзләренең язмышы итеп сайлаган кешеләрне берләштерде.

Хәрби-диңгез флоты көне — ул батырлыкка, катгый дисциплинага һәм ныклы диңгезчеләр бердәмлегенә хөрмәт билгесе. Бәйрәм мохите аеруча тантаналы иде: җилдә җилфердәгән флаглар астында Россия Федерациясе һәм Татарстан Республикасы гимннары яңгырады.

Шәһәр башкарма комитеты җитәкчесе Илнур Шакиров, район ветераннар советы рәисе урынбасары Алексей Алексеев, хәрби комиссариатның өлкән белгеч-эксперты Георгий Борисов, «Хәрби бердәмлек» иҗтимагый оешмасының Зәй бүлеге рәисе Сергей Хватков диңгезчеләрне бәйрәм белән котлап, чыгыш ясадылар.

Бәйрәм программасын «Мирас» вокаль-хореография ансамбле чыгышлары бизәде.

Иң тәэсирле мизгелләрнең берсе — бер минутлык тынлык булды: метроном тибеше астында җыелучылар хәрби походлардан әйләнеп кайтмаган диңгезчеләрне искә алдылар. Рәхмәт һәм хөрмәт билгесе итеп, чарада катнашучылар мемориальга чәчәкләр салдылар.
 

Фотолар район яшьләр эшләре идарәсеннән.