Зәйдә Ватан Геройлары көнен билгеләп үттеләр
Бүген Зәйнең «Энергетик» Мәдәният сараенда Ватан Геройлары көне уңаеннан патриотик концерт оештырылды.
Кичәгә мәктәп укучылары, мәгариф учреждениеләре хезмәткәрләре чакырылган иде. Концертта Ватаныбызны саклау юлына басучыларга, шулай ук үз хезмәте белән җәмгыятебезгә зур өлеш кертүчеләрнең батырлыгы, фидакарьлеге, рухи көченә дан җырланды.
Чарада район башлыгы урынбасары Петр Уразайкин да катнашты.
-Без ата-бабаларыбызның бөек батырлыклары алдында башыбызны иябез, герой исеменә лаек булганнарның барысын да искә алабыз. Хәзерге заман чынбарлыгында бу бәйрәм үзенчәлекле мәгънә ала. Без Ватан Геройларының яңа буыны — илебез гаскәрләренең данлыклы патриотик һәм рухи-әхлакый традицияләрен лаеклы дәвам итүче махсус хәрби операциядә катнашучылар белән горурланабыз. Аларның җиңү белән исән-сау кайтуларын телибез, — диде чыгышында Петр Сергеевич.
Сәхнәдә «Энергетик» Мәдәният сарае иҗат коллективлары чыгыш ясады. Патриотик җырлар, шигырьләр яңгырады, алар тагын бер тапкыр Россиянең нинди бөеклеге турында искәртте.
Мөгаен, бу концерт күп кенә укучыларны үз иле һәм аның геройларының батырлыклары турында уйланырга мәҗбүр иткәндер.
Следите за самым важным и интересным в Telegram-каналеТатмедиа
Нет комментариев