Зәйдә укучылар белән ришвәтчелеккә каршы көрәш турында сөйләштеләр

 “Әлеге чараның максаты - укучыларда коррупциянең нәрсә икәнлеге турында күзаллау формалаштыру, коррупциянең килеп чыгу сәбәпләре һәм аңа каршы көрәш буенча хөкүмәт чаралары белән таныштыру, укучыларда үз фикерләрен әйтү һәм аны дәлилләү сәләтен үстерү”, - ди музейның фәнни хезмәткәре Алсу Шаһабиева.                                                                                    

Чара барышында коррупция, аның билгеләре һәм килеп чыгу сәбәпләре турында әңгәмә алып барылды. Балалар коррупциянең зыяны турында ачык мәгълүмат алдылар. Намуслылык, үзеңдә бу уңай сыйфатны ничек саклап калу турында да сөйләштеләр. 

“Намуслылык җиңгән, ришвәтчелеккә урын калдырмаган ситуацияләрне карадык. Укучылар коррупциягә каршы көчле көрәш алып барылуын, кечкенәдән намуслы һәм гадел булсак, без аны җиңә алачагыбызны аңладылар.   Иң мөһиме шунда, алар коррупциянең нинди зыян китерүен һәм аның белән ничек көрәшергә мөмкин булуын аңладылар”, - ди Алсу Шаһабиева.

Фото музейдан.