Зәйдә төзекләндерү объектлары өчен тавыш бирүдә халыкка волонтерлар ярдәм итә

14 яшьтән өлкәнрәк булган һәр граждан үз тавышын бирә ала. Хәзер республика шәһәрләренең җанлы урыннарында проект волонтерлары эшли, алар тавыш бирү турында сөйлиләр һәм теләгән һәркемгә анда катнашырга тәкъдим итәләр. Волонтерларның ярдәме бәяләп бетергесез. Алар битараф булмаган кешеләр, алар мөмкин кадәр күбрәк кешеләрне төзекләндерү буенча мөһим карарлар кабул итүгә җәлеп итүне максат итеп куялар.

Сайлау өчен тавыш бирүдә Татарстан Республикасының һәр муниципаль районында һәм шәһәр округында объектлар тәкъдим ителә. Халык паркларны, скверларны һәм яр буйларын гына түгел, ә 2025 елга «Безнең ишегалды» программасының беренче чираттагы исемлегенә кертү өчен ишегалларын да сайлый алачак.

Тавыш бирүдә халыкка ярдәм күрсәтү өчен волонтер штаблары җәлеп ителгән.

Зәйнең "Кайгырту"  ирекле хәрәкәте волонтерлары 2025 елда төзекләндерү өчен җәмәгать киңлекләрен сайлау өчен еллык тавыш бирү турында листовкалар таратуда катнаштылар. Бүген, 17 мартта, 4нче мәктәп укучылары киләсе елда "Уңайлы шәһәр мохите"н формалаштыру программасы кысаларында төзекләндереләчәк проект өчен тавыш бирергә теләгән зәйлеләргә аңлату эшләре алып баралар.