Зәйдә социаль хезмәтләр алучылар өчен Яңа ел очрашуы узды

Чарада катнашучылар үзләренең иҗади талантларын күрсәтә алдылар, әкият геройлары булган «Муха-Цокотуха» әкиятен сәхнәләштерделәр. Актерлар үз рольләрен оста башкардылар һәм чын Яңа ел могҗизасы бүләк иттеләр.

Чарага кунак булып килүчеләр һәр актерны алкышлар белән каршы алдылар. 

Кыш бабай бүлектә тәрбияләнүчеләр өчен кызыклы биремнәр, конкурслар һәм тәм-томнар әзерләгән иде. Иң кыю катнашучылар шигырьләр укыдылар һәм җырлар башкардылар.

Очрашу Яңа ел дискотекасы һәм бәйрәм чәе белән тәмамланды. Чарада катнашучыларның күбесе үзләренең киләчәккә планнары белән уртаклашты һәм оештыручыларга шундый искиткеч бәйрәм өчен рәхмәт сүзләрен җиткерде.

Фотолар үзәктән.