Зәйдә социаль хезмәтләр алучылар финанс белеме буенча дәрес алды

2 апрельдә бүлекчә балалары өчен «Ясалма интеллектның караңгы ягы» дип аталган гадәти булмаган дәрес  узды. Анда акча, куркынычсызлык һәм мошенникларның алдау өчен заманча технологияләрне ничек кулланулары турында сөйләштеләр.

Дәрес җанлы, аңлаешлы һәм бик файдалы килеп чыкты. 

Күпләр инде ясалма интеллект  фильмнар эзләргә, сорауларга җавап бирергә яки музыка кабызырга ярдәм иткәнен белә. Ләкин аның «караңгы ягы» да бар. Дәрестә укучыларга гади сүзләр белән мошенникларның якыннарның тавышын охшатып ялганларга өйрәнүен аңлаттылар. Мәсәлән, янәсе, әни кеше шалтырата һәм елаган тавыш белән ашыгыч рәвештә акча күчерүне сорый. Тик бу әни түгел — ул аның тавышын күчереп алган компьютер. Мондый ситуациядә һәрвакыт таныш номер буенча үзеңә шалтыратырга кирәк. Яки «яшерен сорау» бирергә була, аңа җавапны сез һәм сезнең якын кешегез генә белә. Дәреснең аерым өлеше акчага үз картасын яки телефон номерын чит кешеләргә бирә торган «дропперлар» дип аталган кешеләргә һәм мондый хәлләрдә килеп чыгарга мөмкин булган җаваплылык турында багышланган иде.

Шулай ук дәрестә хәзер бик популяр булган «Чәчәкләр китерү һәм дәүләт хезмәтләре» схемасы да тикшерелде. «Курьер» шалтырата да: «Сезгә чәчәк бәйләме һәм бүләк китерәләр, тик аны китергәнгә түләү өчен ссылка буенча керегез», - ди. Яисә: «Приз алу өчен СМС кодын әйтегез». Балалар төп кагыйдәне үзләштерделәр: беркайчан да СМС яки мессенджер сылтамалары буенча дәүләт хезмәтләренә кермәскә.

Дәрес азагында алданган очракта гамәлләр алгоритмы турында фикер алыштылар.

«Мондый дәресләр бик кирәк, - дип билгеләп үтте хезмәт буенча инструктор Ильмира Сфиуллина. - Безнең хезмәт алучылар ышанучан һәм алдауны һәрвакытта да танып бетерә алмыйлар. Ләкин әгәр аларга төгәл кагыйдәләр бирсәң һәм аларны күп тапкырлар эшләп карасаң, алар аны истә калдыралар һәм кулланалар. Ә бу  - аларның акчалары һәм куркынычсызлыгы ышанычлы яклау астына керә дигән сүз».

Фото социаль үзәктән.