Зәйдә шәһәр мәдәният йортына яңа җитәкче билгеләнде

Фәннур Миннекәев исеме газета укучыларыбызга, зәйлеләргә яхшы таныш. Ул «Зәй офыклары» газетасында корреспондент булып эшләп, укучыларыбызны тирән эчтәлекле, кызыклы язмалары белән сөендерде. «Энергетик» Мәдәният сараенда «Адымнар» татар мәдәнияте клубын оештырып, татар халкының милли мәдәниятен торгызу, саклау, үстерү, халкыбызның объектив тарихын өйрәнү һәм тарату юнәлешендә зур эш алып барды. «Ел хатын-кызы. Ел ир-аты: хатын-кыз күзлегеннән» республика конкурсында «Ир-ат» лидер номинациясендә җиңү яулады.