Зәйдә психологик ярдәм программасы гамәлгә ашырылды

Проектны гамәлгә ашыру өчен максатчан төркем булып инвалид балалар тәрбияләүче ата-аналар категориясе сайланды. Алар башкаларга караганда ешрак аларның тормышына һәм балалар белән мөнәсәбәтләренә йогынты ясый торган кыенлыклар белән очраша.

Программа алты блоктан торды, алар үз эченә тренинг күнегүләре, арт - терапия һәм әңгәмә элементларын алды.

Дәресләдә катнашучылар баланың үз-үзен тотышы сәбәпләрен анализлау күнекмәләренә ия булдылар. «Ярдәм чәчәкләре», «Минем балам портреты», «Эз» кебек арт-терапия ысуллары һәм башкалар ата-аналарның эмоциональ халәтен тотрыкландыруга ярдәм итте. Төркемдә бер-берсен кабул итү һәм берсүзсез ярдәм итү атмосферасы хөкем сөрде.

«Дәрес вакытында мин, беренче чиратта, гади хатын-кыз булуымны, баламның идеаль түгеллеген һәм андый булырга тиеш түгеллеген аңладым. Мине минем баламның башкалардан аермасы азрак борчый башлады,»- ди программада катнашучыларның берсе.

Гомумән алганда, социаль адаптациядә авырлыклар кичерүче балаларның ата-аналарына психологик ярдәм программасы бик актуаль һәм файдалы гамәл булып тора. Ата-аналар үз балаларына ярдәм итүнең нәтиҗәле ысулларына өйрәнәләр, бу аңа киләчәктә җәмгыятьтә уңышлырак булырга ярдәм итәчәк.