Зәйдә Николай бабайны 95 яше белән котладылар

Мөхтәрәм ветеранны юбилее белән котларга автоклуб хезмәткәрләре килде.

Николай Иванович Орловский өлкәсендә туган. Бөек Ватан сугышы башланганда малайга 12 яшь була. Үзеннән олыраклар белән фронт өчен, Җиңү өчен көч куя. Армия хезмәтен үтә. 1960 елда Зәйгә күченеп килә. ГРЭСта төзүче-штукатур булып хезмәт куя, аннан тырыш хезмәткәрне мастер итеп билгелиләр. Лаеклы ялга чыкканчы "СМУ-44"тә прораб булып эшли. 

Автоклуб хезмәткәрләре Николай Ивановичны юбилее белән котлап, иң матур җырларын бүләк иттеләр. Россия Президенты Владимир Путинның котлау хатын тапшырдылар. Юбиляр барлык кунакларга җылы теләкләре өчен зур рәхмәтен белдерде.