Зәйдә мунча һәм машина янган
19-22 июньдә район янгын күзәтчелеге бүлеге биш чакыру алган.
Шуның берсе машина януга китергән юл-транспорт һәлакәте, берсе ялган чакыру булып чыккан, икесе – җитди янгын очрагы.
17 июньдә 2 cәгать 11 минутта 88нче янгын сүндерү часте Иске Зәйдә янгын чыгуы турында хәбәр ала. Биредә Совет урамында мунчаның түбәсе яна.
“Янгынның сәбәбе – мунча җылыту миченең төтен юлының кызып киткән өслегеннән түшәм конструкцияләренең януы”, - дип хәбәр итәләр район янгын күзәтчелеге бүлегеннән.
19 июньдә 16 сәгать 21 минутта Зәйдә Тукай урамында “ВАЗ-2114” машинасы януы турында хәбәр килеп ирешә. Утның ни сәбәпле чыгуын ачыклау-тикшерү эшләре бара.
Фотолар район янгын күзәтчелеге бүлегеннән.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев