Зәйдә “Минем ишегалды лагере”ның кышкы сменасы узды

 «Яшьләр һәм балалар» илкүләм проектын гамәлгә ашыру кысаларында кышкы каникулларда Зәйдә күп кенә күпкатлы йортлар ишегалларында  «Минем ишегалды лагере» проекты гамәлгә ашырылды. Проект "Күрше" фестиваленең кышкы сезоны кысаларында җиңү яулаган иде.

Әлеге проект кысаларында һәр бала өчен кышкы каникулларны ачык, күңелле һәм продуктив итеп үткәрү мөмкинлеге барлыкка килде, яраткан ишегалдыннан аерылмыйча. Балалар өчен Зәй муниципаль районының яшьләр эшләре идарәсе хезмәткәрләре актив ял итү, яңа танышулар һәм саф һавада мавыктыргыч маҗаралар өчен киңлек булдырдылар.

Тәҗрибәле аниматорлар балалар белән тугыз махсус әзерләнгән мәйданчыкларда шөгыльләнде. Балалар хәрәкәтчән уеннарда, эстафеталарда, күңелле квестларда, иҗади биремнәрдә уйнадылар, энергия тупладылар. Проектта барлыгы 600 бала катнашты.

Әлеге проект –  балалар өчен актив булу, үсү һәм яңа дуслар булдыру өчен бик яхшы мөмкинлек, ә ата-аналар өчен – балаларның караулы булуы, кышкы каникулларны саф һавада  үткәрүе бик мөһим.

фотолар яшьләр эшләре идарәсеннән