Зәйдә маскировка челтәрләре үрү цехы башка урынга күчте

Зәй маскировка челтәрләре үрүчеләр инде яңа урында эшкә кереште.

-Күчүебезнең сәбәбе хәзер элекке цехның безнең өчен кечкенә булуы белән бәйле. Эшмәкәр Анатолий Шалафаевка челтәр үрергә бинаны биргән өчен рәхмәтле без. Без анда елдан артык эшләдек, хәзер челтәр үрү өчен безгә зуррак мәйданнар кирәк. Олы йөрәкле зәйлеләр ярдәме белән махсус хәрби операция зонасына гуманитар ярдәм илтү өчен машина алынып, хәрбиләребез өчен кирәкле булган әйберләр җыя башладык. Безнең цехта актив рәвештә маскировка челтәрләре үрелә, «леший», химер костюмнары, эчке киемнәр тегелә, бальзам-мазьлар, окоп шәмнәре ясала. Хәзер инде хәрбиләребез, госпитальләр өчен гуманитар ярдәм дә җыела. Барыгызга да ярдәмегез өчен рәхмәт. Сез дә безгә кушыла аласыз. Адресыбыз — Җиңү проспекты, 1/13 («Аркадия» бинасы), — ди Зәйдә маскировка челтәрләре үрү эшен оештырган волонтер, цех җитәкчесе Елена Хисаметдинова.

Буран булса да, күченүгә булышырга килүчеләр бик күп иде.