Зәйдә көзге каникулларда балалар өчен ишегалды лагерьлары эшләячәк

Бу шимбәдән укучыларның көзге каникуллары башлана. Җәй узса да, балалар өчен ишегалды лагерьлары көзге каникуллар чорында да эшләячәк, ди район яшьләр идарәсе белгечләре.

29 октябрьдән 4 ноябрьгә кадәр «Минем ишегалды лагере» проекты кысаларында балалар ялы оештырылачак. «Легендалар 17» педагогик отряды әйдаманнары шәһәр ишегалды мәйданчыкларында каникулларны файдалы һәм кызыклы итеп үткәрер өчен әзер. Каникуллар чорында лагерьлар Җиңү проспекты 1/07, 24, 1/21, Гагарин урамы 55, Ялчыгол урамы 2, Октябрь урамы 1б, Энергетиклар урамы, 11, Тавлин урамы 32, Никифоров урамы 85, Төзүчеләр урамы 14 йортлары ишегалларында эшләячәк.

«Минем ишегалдым лагере» проекты «Росмолодежь» Яшьләр эшләре буенча федераль агентлыкның грант ярдәме белән гамәлгә ашырыла.

Фото яшьләр эшләре идарәсеннән.