Зәйдә койма урлаганнар
21 — 27 августта район эчке эшләр бүлегенә төрле хокук бозулар турында 135 хәбәр һәм гариза кергән. Аларның 3се — урлашу, 3се — кыйнау.
Бу чорда шәһәр-районда 11 юл-транспорт һәлакәте теркәлгән, аларның берсендә кешеләр сәламәтлегенә зыян килгән. Юл хәрәкәте кагыйдәләрен бозуның 44 очрагы теркәлгән.
23 августта район эчке эшләр бүлегенең дежур бүлегенә 75 яшьлек ир-аттан гариза керә. Ул билгесез кешенең шәһәрдән койма урлавы турында хәбәр итә.
«Тикшерү-оператив төркем тарафыннан оператив-эзләү чараларын үткәрү барышында әлеге җинаятьне кылган 68 яшьлек ир-ат тоткарланды. Ул үз гаебен таныды. Урлау факты буенча тикшерү чаралары үткәрелә», — дип хәбәр итәләр полициядән.
Следите за самым важным и интересным в Telegram-каналеТатмедиа
Нет комментариев