Зәйдә «Кечкенә блогер» бәйгесе үтте

Бу уникаль чара яшь катнашучыларның креативлыгын һәм медиа талантларын күрсәтү мәйданчыгына әверелде. 

«Кечкенә блогер» конкурсы елдан-ел популярлаша, катнашучылар саны да, тәкъдим ителгән эшләрнең географиясе дә киңәя. Быел жюри хөкеменә Татарстанның төрле шәһәр һәм районнарыннан видеороликлар җибәрелде. Темаларның төрлелеге, идеяләрнең оригинальлеге һәм роликларны башкаруның сыйфаты оештыручыларны һәм жюри әгъзаларын гаҗәпләндерде. 
2024 елда конкурс темасы «Минем гаиләм — минем байлыгым» дип билгеләнде. Катнашучылар өч номинациянең берсендә үз эшләрен тәкъдим итә алдылар: «Безнең гаилә», «Гаилә сөеклесе» һәм «Гаиләнең шәҗәрә агачы». Мондый тематика балаларга үзләренең иҗади сәләтләрен күрсәтеп кенә калмыйча, үз гаиләләренең тарихына һәм традицияләренә тирәнрәк кереп китәргә дә мөмкинлек бирде. 

Бәйгенең абсолют җиңүчесе булып Яр Чаллыдан «Батыр» балалар бакчасыннан Тимур Сабирҗанов танылды. 

«Безнең гаилә» номинациясендә зәйлеләр Камил Сәйболотов («Каенкай») һәм Тимур Шабрин («Салават күпере») җиңде. Икенче урында шулай ук Зәй шәһәренең «Кояшкай» балалар бакчасында тәрбияләнүче Савелий Спиридонов һәм Ризалина Фәрхетдинова. Өченче урынны яшь зәйлеләр Илья Сафин («Дюмойвочка») һәм Агния Федорова («Радуга») роликлары алды. 
 

«Гаилә сөеклесе» номинациясендә Түбән Камадан Илья Елсуков («Әллүки» бакчасы) һәм Зәйдән Кира Шпагина («Урман әкияте») җиңде. Икенче урында — Менделеевскидан Виолетта Кудряшова («Якты кондыз» бакчасы). Өченчедә — Дарья Храмова («Теремок», Зәй) һәм Ясминә Комиссарова («Тату гаилә», Зәй). 

«Шәҗәрә агачы» номинациясендә Айсаф Хөснетдинов җиңү яулады («Шатлык» бакчасы, Зәй). Икенче урында — Лилия Сафина («Каенкай» бакчасы, Зәй). Өченче урында — Ульяна Чижик («Лучик» бакчасы, Алабуга). 

Иң яхшы эшләр грамоталар һәм истәлекле бүләкләр белән бүләкләнде. Оештыручылар сүзләренчә, конкурсның төп максаты — балаларда тикшеренү эшчәнлегенә һәм иҗатка кызыксынуны үстерү. 

«Кечкенә блогер» конкурсы заманча технологияләргә балаларны, ата-аналарны һәм педагогларны яңа белемнәргә һәм иҗади үсешкә омтылуда берләштерә алуының ачык мисалы булды. Оештыручылар киләчәктә әлеге проект, Татарстанның төрле почмакларыннан талантлы катнашучыларны җәлеп итеп, үсүен дәвам итәр дип өметләнәләр.