Зәйдә юллар бозлавыкка каршы эшкәртелә

Быелгы кыш карлы булмаса да, юлларда һәм тротуарларда боз хасил булсын өчен һава температурасы бик тә туры килә. Юл-транспорт һәлакәтләрен булдырмас өчен «Благострой» ҖЧШ юлларны ком-тоз катнашмасы белән бозлавыкка каршы эшкәртә. Шәһәр урамнарына инде берничә тапкыр бозлавыкка каршы ком-тоз катнашмасы сибелгән.

«Юлларда беренче чиратта бозлавыкка каршы чаралар күрелә. Бу максатта барлыгы 200 тонна ком-тоз катнашмасы әзерләнде», — ди «Благострой» ҖЧШ җитәкчесе Максим Сабанов.

Фотолар "Благострой" дан.