Зәйдә игеннәр җыелды, чөгендер казуга тотыналар
Зәйдә урак тәмамланды. Район авыл хуҗалыгы идарәсеннән алынган мәгълүмат буенча, Зәй районында 35971 гектар мәйданнан тулаем 93500 тонна ашлык суктырылган, уртача уңыш гектарыннан 26 центнер чыкты.
— Бу көннәрдә механизаторларыбыз 5492 гектар мәйданны биләгән рапс егуга керештеләр, алга таба өлгергән культураны турыдан-туры урып-суктыру планлаштырыла. Шулай ук 1851 гектарда кукурузны сенажга салу өчен җыя башлыйбыз. Ныгытып өлгереп җитүгә 1326 гектарда кукурузны бөртеккә җыю башлана, — ди идарә башлыгы Фәргать Камалиев.
Ә районның төп техник культурасы булган шикәр чөгендерен казуга аграрийлар бу иртәгә керешергә планлаштыра. Өч агрофирмада да татлы тамыр уңышы җыела.
Фото авыл хуҗалыгы идарәсеннән
Следите за самым важным и интересным в Telegram-каналеТатмедиа
Нет комментариев