Зәйдә яшүсмерләр белән хокукый темага багышланган чара үтте

Чара “Кеше. Канун. Хакыйкать” клубы кысаларында оештырылды. Уенның максаты  укучыларның хокукый культурасын күтәрү, балигъ булмаганнар арасында җинаять һәм хокук бозуларны кисәтү иде. 

-Катнашучылар ике командага бүленде: «Барслар» һәм «Күп белүчеләр». Балалар «Үткәннең кануннары», «Балигъ булмаганнарның җаваплылыгы», «Рус мәкальләрендәге кануннар», «Әдәби шымчылар» бәйгеләрендә көч сынаштылар, хокукый темага сорауларга җавап бирделәр, җинаятьләрне квалификацияләделәр, - ди китапханәче Зөлфия Гыйльманова.

Тамашачы-җанатарлар да читтә калмады, алар шулай ук “Сез законны беләсезме?” викторинасы сорауларына җавап бирделәр. Уен кызыклы үтте, балалар иҗади конкурсларга да, теоретик өлешкә дә бик яхшы әзерләнгән иде. 

Фотолар китапханәдән.