Зәйдә гаилә эстафетасы үтте

Җиңүчеләр исеме өчен биш гаилә командасы көрәште. Алар – Алексей, Альбина һәм Айлин Журавлевлар; Луиза, Фәридә һәм Әмир Идиятовлар; Максим, Альбина һәм Демид Савгильдиннар; Евгения, Дмитрий һәм Михаил Уразайкиннар, Лидия һәм Арсений Кирилловлар. 

Ярышларда катнашучылар бергәләп туп белән сикерделәр, бер-берсенә тагылышып йөгерделәр, футбол тупын кәшәкә белән алып бардылар һәм капкага керттеләр, җитәкләшеп йөгерделәр, барлык гаилә әгъзалары кыршау эчендә финишка килделәр. 

Ярышлар иң көчле гаилә командаларын ачыклауга гына түгел, ә гаилә эчендә мөнәсәбәтләрне ныгытуга да юнәлдерелгән иде, чөнки спорт эстафеталары бергәләп эшләргә, рольләрне бүлешергә һәм бер-берсенә ярдәм итәргә өйрәтә. Ә ышаныч, ярдәм һәм уртак хис-кичерешләр балаларны һәм ата-аналарны якынайта, гаиләдә үзара аңлашуны яхшырта.

Өстәвенә, физик активлык һәм күңелле атмосфера шатлык гормоннары эшләп чыгаруга ярдәм итә. Ярыш нәтиҗәләре буенча пьедесталның беренче баскычына Уразайкиннар гаиләсе күтәрелде. Икенче урында – Савгильдиннар, өченчедә - Кирилловлар гаиләсе.
Журавлевлар һәм Идиятовлар гаиләләре катнашулары өчен грамоталар алдылар, ә аннары ярышларны оештыручылар барысына да татлы призлар – туңдырма өләштеләр.

Ирина Смирнова фотолары