Зәйдә дизель ягулыгы урлаучыларны тотканнар

12 декабрьдә район эчке эшләр бүлегенә «Зәй» агрофирмасының куркынычсызлык хезмәте хезмәткәреннән агрофирма машиналарыннан 490 литр дизель ягулыгы урлануы турында гариза керә. 

«Тикшерү-оператив төркеме хезмәткәрләре тарафыннан әлеге җинаятьне кылуда гаепләнеп, Чаллы шәһәрендә яшәүче ике кеше һәм районыбызның бер кешесе тоткарланды. Алар шушы ук агрофирмада хезмәт куйганнар», — дип хәбәр итәләр полициядән.