Зәйдә Богоявление Господня чиркәве территориясендә өмә узды

Өмәгә “Продвижение” һәм “Мәктәп” территориаль иҗтимагый үзидарәләре рәисләре Олеся Пукаева һәм Светлана Долгова, битараф булмаган искезәйлеләр чыкты.

Әлеге чиркәү калкулыкта төзелеп, зәйлеләрнең горурлыгы булган. Зәй музее фондларында Тамара Шаронованың Богоявление Господня чиркәве турында истәлекләре сакланган. “Чиркәү иркен, диварлар буенда озын агач киштәләр урнашкан иде. Эчке бизәлеш бик матур, идән ике төстәге мәрмәр плитәләр белән эшләнгән, стеналар майлы буяу белән буялган, аның буенча апостоллар, Библия һәм Евангелия сюжетларына төрле картиналар ясалган иде. Гөмбәз астында кояш сурәтләнгән һәм аннан нурлар сибелә”.

Узган гасырның 30нчы елларында гыйбадәтханә ябылып, анда «Маяк» кинотеатры эшли башлый. Колокольня, алтарь өлеше сүтелеп, пыяла шешәләр тапшыру пункты төзелә. 80нче елларда бина бушап, җимерелә башлый.

Бүгенге көндә чиркәүне торгызу эшләре бара.  Өмәгә чыгучылар аның биләмәсен җыештырды.