Зәйдә бер ир-атның банк картасыннан 75 мең сум акчасын урлаганнар
Узган атнада район эчке эшләр бүлегендә дүрт урлашу очрагы теркәлгән.
12 ноябрьдә бер кибеттә билгесез кеше 3000 сумлык алкоголь продукциясе урлаган. Ә икенче бер кибеттә 9 шампунь урлаганнар. Соңгысының кем булуы ачыкланган: ул элек тә хөкемгә тартылган Зәй кешесе булып чыккан.
12 ноябрьдә полициягә Зәйдә яшәүче хатын-кыздан гариза керә. 20 октябрьдән 12 ноябрьгә кадәр аның бакчачылык ширкәтендәге йортыннан электр приборлары, инструментлар урлаганнар. Аңа килгән матди зыян күләме 50600 сум дип исәпләнә.
14 ноябрьдә бүлеккә бер ир-ат банк картасыннан 75 мең сум акчасын урлаулары турында хәбәр итә.
“Хәзерге вакытта әлеге эпизодлар буенча оператив-эзләү чаралары үткәрелә”, - дип хәбәр итәләр эчке эшләр бүлегеннән.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев