Зәйдә балалар «ЭКОкостюм» бәйгесендә катнашты

— Конкурс бик кызыклы булды. Аңа балалар әти-әниләре белән бергәләп, көнкүреш калдыклары булган кәгазь картоннардан, фольга, гофре, бер тапкыр кулланыла торган пластик стакан, тарелкалар һ.б. кулланып төрле костюмнар әзерләделәр. Бакча сәхнәсенә кызыклы костюмнардан әкият геройлары кыяфәтендә балалар чыкты. Алар арасында Кызыл калфак, Мальвина, Уймак кыз, Алладин, Шахерезада, робот, косманавт һ.б. күрергә мөмкин булды. Балалар үзләре катнашып тудырган образлардан канәгать калды, ә чүп булган әйберләр куланылышка керде. Шул рәвешле, сабыйлар экологияне саклауга өлеш кертте, — ди «Салават күпере» балалар бакчасы мөдире Алинә Гончарова.

Чара барышында тәрбиячеләр балаларга табигатьне пычранудан саклау мөһимлеге турында сөйләделәр. Ә һәр катнашучы бала төрле номинацияләдә җиңүче дипломнары алды. Аларга татлы бүләкләр дә әзерләнгән иде.