Зәйдә 19 йорт ишегалды төзекләндереләчәк

Ишегалды территорияләрен төзекләндерү Яңа шәһәр микрорайоныннан башланды, биредә Җиңү проспектындагы 1/04, 1/08 һәм 1/10 адреслары буенча ишегалларын комплекслы төзекләндерү үткәрелә.

2020 елдан “Безнең ишегалды” программасы буенча Зәй ишегалларын төзекләндерү белән бер оешма шөгыльләнә. Төзелеш һәм ремонт эшләре белән төзекләндерү эшләре буенча җаваплы Алексей Хөсәенов җитәкчелек итә.

-Алексей Игоревич, быел “Безнең ишегалды” программасы кысаларында нинди эшләр башкару күздә тотыла?

- Агымдагы елда муниципаль районда «Безнең ишегалды» программасы буенча 19 ишегалды территориясе төзекләндереләчәк, алар өчен узган ел халык тавыш бирде. 2020 елда программаның инициаторы булып Татарстан Рәисе Рөстәм Миңнеханов чыгыш ясады. Барлык ишегалларында өстәмә яктырту терәкләре урнаштыру планлаштырыла, балалар иминлеге өчен исәпләнгән комлыклар булачак. Өч ишегалдында парковка зонасы киңәйтеләчәк. Тротуарлар халык өчен гадәти булган юнәлешләр буенча узачак. Алар, ишегалдының башка өлешләре кебек үк, асфальт-бетон белән капланачак. Юлларның йөрү өлешен ремонтлау янгын куркынычсызлыгын исәпкә алып башкарыла, ягъни юлның киңлеге махсус техника өчен ачык булырга тиеш. Кайда юл киңлеге тар, анда киңәйтергә тырышабыз.

- Ни өчен халык өчен гадәти булган балалар уен комплексларын алалар?

- 1/04 йорт ишегалдында без матур балалар комплексын күрәбез. Визуаль яктан ул тотрыклы, ләкин таучыкларда шуу вакытында куркынычсыз җиргә төшү зонасы юк. Гади генә әйткәндә, балалар иминлеге өчен ишегалларында заводта җитештерелгән, сыйфат гарантиясе булган һәм экологик материаллардан балалар уен элементлары һәм комплекслары урнаштырылачак. Моннан тыш, проектлаучылар логистиканы бер ишегалдында өлкән яшьтәге балаларга, ә икенче ишегалдында кечерәк балаларга кызыклы итеп төзегәннәр. 1/04 йорт ишегалды 14 яшькә кадәрге балаларга юнәлдерелгән һәм монда спорт мәйданчыгы популяр. Бу мәйданчык сакланып калачак, аның каплагычы һәм коймалары алыштырылачак. Проектта ишегалды территорияләрендә төрле уен элементларын булдыру уйланылган. Нәтиҗәдә бер ишегалды балалары башка ишегалдында үзләрендә булмаган уен элементларын таба ала. Шулай итеп, ишегаллары арасында дустанә мөнәсәбәтләр барлыкка килә. Моннан тыш, нәкъ менә әлеге программа ишегалды лагерьлары эшчәнлеге өчен кызыклы.

- Бер ишегалдын төзекләндерү күпме вакытны ала?

- Уртача бер-ике ай. Объектларда Зәй һәм Чаллы эшчеләренең җыелма бригадалары эшли.

- Эш барышында нинди кыенлыклар туа?

- Эшнең катлаулылыгы күп кенә җир асты инженерлык коммуникацияләрендә тора, моннан тыш, керү мөмкин булмаган саклау зоналары да бар. Барлык ишегалларын төзекләндерүне август аенда тәмамлау бурычы тора. Тиздән төзүчеләр Ленин урамы, 1б, 2нче йорты, Макаров урамы, 22 йорт адресы буенча ишегалларын ремонтлый башлаячак.