Зәйдә 105 укучы рус теленнән имтихан тапшыра

Татарстанда БДИ уздыруның 107 пункты оештырылган, аларда республиканың 4 758 педагог хезмәткәре катнашыр дип көтелә.  Рус теле-аттестат алу һәм югары уку йортына керү өчен мәҗбүри имтихан. Аттестат алу өчен минималь бусага - 24 балл, югары уку йортына документлар тапшыру өчен - 40 балл. 

 Онлайн-видеокүзәтү имтихан тапшыруның  барлык пунктларында да алып барыла.

Имтихан 3 сәгать 30 минут дәвам итә, физик мөмкинлекләре чиклеләргә ул — 5 сәгать.

Рус теленнән БДИда укучылар җентекле җаваплар бирергә яки берничә дөрес җавап сайларга һәм бирелгән темага инша-фикер язарга тиеш.

 Нәтиҗәләр 17 июньдә билгеле булачак. 
 Имтиханны резерв срокларда - 23 июньдә һәм 3 июльдә тапшырырга мөмкин.

Зәй районында 105 укучы рус теленнән БДИ тапшыра. Имтихан 6нчы мәктәптә үткәрелә.

Киләсе имтиханнар физика һәм җәмгыять белеменнән дүшәмбе, 2 июньдә узачак.