Зәй заводы егерме еллык юбилеен билгеләргә җыена
Зәйнең “Техно” заводына 2007 елда нигез салынган иде, ул чорда предприятиене төзү күпләрдә ризасызлык тудырды.
Хәзер исә завод биниһая җитештерү күләме, базар шартларына төрле чордарда яраклаша алуы, хезмәткәрләргә социаль яклау чаралары җитди куелучы иң ышанычлы предприятиегә әверелде. Биредә бүгенге көндә 337 хезмәткәр эшли һәм алар нигездә зәйлеләр.
Җитештерү күләме дә елдан-ел арта бара, агымдагы елның биш аенда гына да заводта 62 мең тоннадан артык тавыш изоляцияләү минераль-җылылык материаллары эшләнгән, инвестицияләр күләме 118,7 млн. сум тәшкил иткән. Районда иң зур хезмәт хакы да биредә.
Киләсе елда завод 20 еллык юбилеен билгеләп үтәргә җыена. Анда предприятие оешканнан бирле эшләүче хезмәткәрләргә аерым хөрмәт күрсәтү күздә тотыла.
автор фотосы
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев